આનંદ આશ્રમ

હીરો ખો મા તું હાથથી…તીલકદાસ – મુળાભગત

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

હીરો ખો મા તું હાથથી રે આવો અવસર પાછો નહીં મળે…

અવસર પાછો નહીં મળે‚ માથે ત્રિવિધિના તાપ બળે‚

હીરલો ખો મા તું હાથથી રે‚ આવો અવસર પાછો નહી મળે રે જી…

મોતી પડયું મેદાનમાં‚ ઓલ્યા મૂરખા મૂલ એના શું કરે ? રે જી‚

સંત ઝવેરી આવી મળે તો સતગુરુ સાન કરે.. હીરલો ખો મા તું હાથથી રે…

સમજણ વિનાના નર કરે છે કીર્તી ને ગુરુ વિના જ્ઞાન એને ક્યાંથી મળે રે જી‚

પારસમણીનાં પારખાં‚ એ તો લોઢાને કંચન કરે.. હીરલો ખો મા તું હાથથી રે…

તરી ઉતરવું પ્રેમથી રે જાણે જળને માથે જહાજ તરે રે જી‚

કાયા કાચો કુંભ છે માથે અમીરસ નીર ઝરે.. હીરલો ખો મા તું હાથથી રે…

કહે તીલકદાસ શૂરા સંગ્રામે ને મરજીવા તો મોજ કરે રે જી‚

ધારણ બાંધો ધરમની તો નમતે ત્રાજવે તરે… હીરલો ખો મા તું હાથથી રે જી…