આનંદ આશ્રમ

ઓહમ વાચક શબ્દે જડિયા રે સોહંગ સ્વામી – સવો

પવનકા પ્રકાશ ભયા હે સોહમ – સવો

પ્યાલો અમને પાયો રે – લખીરામ – વિહાભાઈ મકવાણા

પિયાલો અમને પાયો રે ગુરુએ મારે પ્રેમે કરી
મારી દેયુંમાં દરસાણા રે, હરો હર આપે હરિ…
એવો પિયાલો અમને પાયો રે, ગુરુએ મારે પ્રેમે કરી…૦
પહેલો પ્યાલો લખીરામનો, વળી જુગતે પાયો જોઈ,
કૂંચી બતાવી આ કાયા તણી, વળી કળા બતાવી કોઈ ;
ત્રિકૂટી કેરા તાળાં ઉઘડિયાં, શુન્યમાં દરસાણા સોઈ,
એવું નગર બધું યે નિહાળ્યું રે , જોયું મેં તો જરી યે જરી…..
એવો પિયાલો અમને પાયો રે, ગુરુએ મારે પ્રેમે કરી…૦
બીજે પિયાલે બુદ્ધિ વાપરી, આવી સંતોની સાન ,
વૈરાટ સ્વરૂપીને વીનવું , મારે જોવાં જમીં આસમાન
આ દેહીમાં દરસાણા સાચા, સતગુરુ મારા શ્યામ ,
એવી લગની મું ને લાગી રે , બેઠો હું તો ધ્યાન ધરી…
એવો પિયાલો અમને પાયો રે, ગુરુએ મારે પ્રેમે કરી…૦
ત્રીજે પિયાલે ત્રણ ગુણ પ્રગટ્યાં, પાંચ તત્વનો પ્રકાશ,
શૂન્ય શિખરમાં શ્યામ બિરાજે ,અલખ પુરુષ અવિનાશ ;
નવ ખંડ ઉપર નાથજી ! મારે રવિ ઊગ્યાની આશ ,
એવી અગમની ખબરું રે, ગુરુએ મારે દીધી ખરી…
એવો પિયાલો અમને પાયો રે, ગુરુએ મારે પ્રેમે કરી…૦
ચોથે પિયાલે સાન કરીને, હરિએ ગ્રહ્યો હાથ ,
એકવીસ બ્રહ્માંડ ઉપરે , મારે વાલે બતાવી વાટ ;
એક વાત નિશ્ચે થઈ, તેણે મળીયા મારો નાથ
એવા અમ ગરીબું ઉપરે રે , કેશવરાયે કરુણા કરી…
એવો પિયાલો અમને પાયો રે, ગુરુએ મારે પ્રેમે કરી…૦
પાંચમો પિયાલો પૂરણ થિયો , ત્યારે ભેટયા ભૂધર રાય ,
અખંડ અમૃત ધારા વરસે, ગેબી ગરજના થાય ;
રૂદિયે રવિ પરગટ થિયો, એને જોતાં રજની જાય ,
એવા સ્વાતિના સરવડાં રે , ઝરમર ઝરમર નૂર તો ઝરે..
એવો પિયાલો અમને પાયો રે, ગુરુએ મારે પ્રેમે કરી…૦
છઠે પિયાલે સતગુરુ મળિયા, નિરભે થિયો લખીરામ ,
ઘણા જનમથી ડોલતાં , મારે ગુરુએ બતાવ્યાં જ્ઞાન ;
કરમણ ચરણુંમાં લખીરામ બોલ્યા,મેં તો પૂરણ પામી ધામ ,
એવા ગુરુ ચરણે ચિત્ત રાખો રે, ફોગટ ફેરા ઘણા યે ફરી…
એવો પિયાલો અમને પાયો રે, ગુરુએ મારે પ્રેમે કરી…૦

રૂડા રામ વાણિયા રે તારો શેઠ નગરમાં છે – અક્ક્લદાસ – જેઠાભાઈ મકવાણા

મારા રામ વાણિયા રે, રૂડા પ્રેમી પ્રાણિયા રે, તારો શેઠ નગરમાં છે,
ભવસાગરમાં છે, તારો ધણી નગરમાં છે, મારા પ્રેમી પ્રાણિયા રે..
આ કાયામાં દસ દરવાજા, પચાસ લાખ માંઈ પ્રેમી,
દશ દરવાજા બાવન ખડકી, પચાસ લક્ષ છે પ્રેમી,
નવસો નવાણું નાડી નાળવાં, દિલ ભીતરમાં ય દરિયા…
મારા રામ પ્રાણિયા રે, રૂડા પ્રેમી પ્રાણિયા રે,….૦
આ કાયામાં દેવ કચેરી, સોળ પુરુષ માંઈ સાજે,
અનહદ વાજાં શેરમાં વાજે, નવરંગ પાતર નાચે…
મારા રામ પ્રાણિયા રે, રૂડા પ્રેમી પ્રાણિયા રે,….૦
તેંત્રીસ કરોડની દેવ કચેરી, માહીં સોળ પુરૂષ છે સાચે ,
અનહદ હંસો તાલ મિલાવે નવસો પાતર નાચે..
મારા રામ પ્રાણિયા રે, રૂડા પ્રેમી પ્રાણિયા રે,….૦
અઠ કુળ પરવત વસે અવલિયા, નવ લાખ માંઈ નેમી,
મેરુ શિખર પર રહેવે ઓલિયા નવ લક્ષ નામા ધારી,
હાટ હવેલી દલ્લી ચૌટા, ધ્રુવ દીપક માંઈ ધરિયા…
મારા રામ પ્રાણિયા રે, રૂડા પ્રેમી પ્રાણિયા રે,….૦
અઢારભાર વનસ્પતિ મોરી, દાડમ લીંબુ એમાં લળકે,
ચંદર સૂરજ તેજ સવાયાં જળહળ હીરલા ઝળકે…
મારા રામ પ્રાણિયા રે, રૂડા પ્રેમી પ્રાણિયા રે,….૦
હાથ ગાંધીને હીરલો લાધ્યો, મહાજન મનમાં મોયાં
પારખનારા રતન પારખુ, જોનારા ને જડશે …
મારા રામ પ્રાણિયા રે, રૂડા પ્રેમી પ્રાણિયા રે,….૦
ગાંધીને હાટ રતન જડિયાં મહાસંતના મન મોહ્યાં..
પારખનારા નર વચન પારખે, માંઈ જોનારાને જડશે…
મારા રામ પ્રાણિયા રે, રૂડા પ્રેમી પ્રાણિયા રે,….૦
માલ ખજાના ને મૂડી ખૂટે નૈં , વેળા વિપતની વળશે,
સિધ્યા અક્કલદાસ ભીમને ચરણે, મથનારાને મળશે..
મારા રામ પ્રાણિયા રે, રૂડા પ્રેમી પ્રાણિયા રે,….૦
પાઠાંતર :
આશા તૃષ્ણા સૌની પૂરી, મનથી ભ્રાંતિ ભાંગી,
જોધા પ્રતાપે ભણે ભવાનીદાસ, ત્યાંથી લગની લાગી…
રૂડા રામ વાણિયા રે,તારો ધણી નગરમાં છે….૦

સુનો રે જ્ઞાની કહી સમજાવ્યો, બોલનહારો ક્યાંથી આવ્યો – કબીર – જેઠાભાઈ મકવાણા

તણખો પડ્યો ને ઘર બાળ્યું રવિ કહે છે – રવિ સાહેબ

વેલેરી કરજો મારી વાર શામળિયા – દાસી જીવણ

અગમ સે આયો જોગીડો – નાનક – જેઠાભાઈ મકવાણા

તમે કુડ કાયાના કાઢો વીરા આયો અસાઢો – ભાણ સાહેબ

તમે ફૂડ કાયાના કાઢો રે, તમે વિખિયાના રૂખડાં વાઢો રે
હે વીરા ! આવ્યો આષાઢો…
અવસર વારો તો કાંઈ નવ હારો, તમે કાલર ખેતર મત ખેડો રે ;
પાતર જોઈને જાતર કીજે, તમે વિખીયાના ફળ મત વેડો રે…
હે વીરા ! આવ્યો આષાઢો…
ખોટે મને જેણે ખેડયું રે કીધી, ઈ ખરા બપોરે નાસે રે ;
આઘાં જઈને પાછાં ફરશે, એના કણ કવાયે જાશે રે…
હે વીરા ! આવ્યો આષાઢો…
વિગત નવ જાણે ને બીજ લઇ વાવે, કાઢી કઢારો ચાવે રે ;
ધાઈ ધૂતીને કૈંક નર વાવે, એની આગમ ખાધુંમાં જાવે રે…
હે વીરા ! આવ્યો આષાઢો…
વાવ્યા તણ્યો જે નર વિચાર જાણે, તો મૂઠી મેલે ખરે ટાણે રે ;
ભાણ ભણે નર નીપજ્યા ભલા, ઈ તો મૂંડા ભરે લઇ માણે રે…
હે વીરા ! આવ્યો આષાઢો…

સતગુરુ સાહેબ સોઇ મળ્યા જેને અમ્મર નામ ઓળખાયો – ભાણ સાહેબ

સદ્દગુરુ સાહેબ સોઈ મળ્યા જેણે, અમ્મર નામ ઓળખાયો રે…
ગુરુ પ્રતાપ સાધુકી સંગત, ભગતિ પદારથ પાયો..
મેરે સતગુરુ.. અમ્મર નામ ઓળખાયો રે…૦
કથતાં બકતાં ભયો કિનારો, ઉનમુનિ કે ઘર આયો રે,
નગર લોક સબ નિક ચલાયા, જીત નિશાન ઘૂરાયો..
મેરે સતગુરુ.. અમ્મર નામ ઓળખાયો રે…૦
ચાર મળી ચૈતન ઘર આયો, પકડ પાંચ બુલાયો રે,
શબ્દ એક ટંકશાળ પડે ત્યાં, નિરભે નામ સુણાયો..
મેરે સતગુરુ.. અમ્મર નામ ઓળખાયો રે…૦
ઈસ ઉદબુદા ધૂમ મચાયો, માંહી શમી હે માયો રે,
નદી નાવ સબ નીક ચલી હે, સાયર નીર સમાયો..
મેરે સતગુરુ.. અમ્મર નામ ઓળખાયો રે…૦
અક્ષર એક સે જુગ ઉપાયા, સોહં નામ સવાયો રે,
અકળ પુરુષ અવતાર ધરે ત્યાં, ભાણે ભેદ જ પાયો..
મેરે સતગુરુ.. અમ્મર નામ ઓળખાયો રે…૦