આનંદ આશ્રમ

છુટા છુટા તીર હવે મારો માં બાઈ જી… – ગંગાસતી – ડૉ. નિરંજન રાજ્યગુરુ

છુટા છુટા તીર હવે મારો માં બાઈ જી… – ગંગાસતી – શ્રી રાજેન્દ્રપ્રસાદજી

છૂટાં છૂટાં તીર હવે મારો મા બાઈ જી ! અમથી સહ્યાં નવ જાય ;

કલેજાં મારાં વીંધી નાખ્યાં બાઈ જી ! છાતી મારી ફાટુંફાટું થાય…

છૂટાં છૂટાં તીર અમને મારો મા રે…

બાણ રે વાગ્યાં ને રૂંવાડાં વીંધાણાં બાઈ જી ! મુખથી નવ કહેવાય ;

આપોને વસ્તુ મુને લાભ જ લેવા, પરિપૂરણ કરીને ક્રિયા ય…

છૂટાં છૂટાં તીર અમને મારો મા રે…

બાણ રે હજી તમને વાગ્યાં નથી, બાણ રે વાગ્યાને છે હજી વાર ;

બાણ રે વાગ્યાથી સુરતા ચડે આસમાનમાં, પછી દેહદશા મટી જાય…

છૂટાં છૂટાં તીર અમને મારો મા રે…

બાણ વાગ્યાં હોય તો બોલાય નહિ, પરિપૂરણ વચનમાં વરતાય ;

ગંગાસતી એમ બોલિયાં રે ; તે જ પૂરણ અધિકારી કહેવાય રે…

છૂટાં છૂટાં તીર અમને મારો મા રે…